ആലപ്പുഴ: തന്റെ താമസ സ്ഥലമായ ആലപ്പുഴ നഗരത്തിലെ ഇരവുകാട് വാര്‍ഡില്‍ വെള്ളമില്ലാത്തതിനാല്‍ ചേര്‍ത്തലയില്‍ പോയാണ് താന്‍ മിക്കദിവസവും കുളിക്കുന്നതെന്ന് എ.എം. ആരിഫ് എം.എല്‍.എ. ജല അതോറിറ്റി അധികൃതരും നാഷണല്‍ ഹൈവേ അതോറിറ്റി അധികൃതരും തമ്മിലുള്ള തര്‍ക്കം മൂലമാണ് ഈ ഗതികേട്. ദിവസവും വെള്ളം കിട്ടുന്നില്ലെന്ന് പരാതിയുമായിനൂറുകണക്കിനാളുകളാണ് സമീപിക്കുന്നത്. അത് കണ്ടില്ലെന്ന് നടിക്കാനാവില്ല. എം.എല്‍.എ. പൊട്ടിത്തെറിച്ചു. ദേശീയ പാതയ്ക്ക് കുറുകെ പൈപ്പിട്ടാലേ ഇരവുകാട് വാര്‍ഡിലെ കുടിവെള്ള ക്ഷാമത്തിന് പരിഹാരം കാണാനാകൂ. നാഷണല്‍ ഹൈവേ അതോറിറ്റി ഉദ്യോഗസ്ഥരുടെ അലംഭാവമാണ് പ്രശ്‌നം സങ്കീര്‍ണമാക്കിയത്. ഏറെ നേരത്തെ ചര്‍ച്ചയ്ക്കു ശേഷം ദേശീയ പാത ഉദ്യോഗസ്ഥന്‍ പൈപ്പിടുന്നതിന് അനുമതി നല്‍കാമെന്ന് യോഗത്തിന് ഉറപ്പു നല്‍കി. 10,000 രൂപ ഇതിനായി ജല അതോറിറ്റി അധികൃതര്‍ നല്‍കണമെന്ന നിബന്ധനയോടെയായിരുന്നു ഇത്.
PS : എം എല്‍ എ യ്ക്ക് ചേര്‍ത്തലയിലും പോയി കുളിക്കാം . ചേര്‍ത്തലയില്‍ പോകാന്‍ പാങ്ങില്ലാത്തവര്‍ കുളിക്കെണ്ടെന്നോ?
JW
